Элэгний хавдар

Элэгний хавдар

Элэгний хавдрыг 4 үе шатанд хувааж ангилдаг.

1 үе шат- хавдар 2 см-ээс бага хэмжээтэй, үүдэн венийн даралт нэмэгдээгүй. Билирубины хэмжээ хэвийн. Энэ үед мэс заслын эмчилгээг хийх хэрэгтэй.

2 үе шат- Хавдар 5 см-ээс бага хэмжээтэй, элэгний үйл ажиллагаа алдагдсан эсвэл алдагдаагүй байж болно. Энэ үед мэс заслаар хавдартай хэсгийг тайрах эсвэл элэг шилжүүлэн суулгах эмчилгээ хийнэ.

3 үе шат- Хавдар 5см-ээс том хэмжээтэй эсвэл хэд хэдэн голомт байна. Энэ үед хавдрыг тэжээгч судсыг бөглөх ажилбар хийнэ.

4 үе шат- Хавдар 5 см-ээс том хэмжээтэй, холын эрхтнүүд буюу уушиг, яс, тархи бөөр зэрэгт үсэрхийлсэн байна. Энэ үед шинж тэмдгийн буюу зовиур бууруулах эмчилгээ хийнэ.

Тавилан

1-2 үе шатанд оношлогдвол 5 жил амьдрах нь 31%-тай байдаг. 3 үе шатанд оношлогдвол 5 жил амьдрах нь 11% байна. 4 үе шатанд оношлогдвол 5 жил амьдрах нь 3% байдаг.

Эмчилгээ	1-жил амьдрах	3-жил амьдрах	5-жил амьдрах
Эмчилгээ хийхгүй байх эсвэл хими эмчилгээ хийх	13%	3%	0%
Хавдрыг тэжээгч судсыг бөглөх	55%	26%	13%
Хавдартай хэсгийг тайрч авах мэс засал	72%	58%	58%
Элэг шилжүүлэн суулгах	81%	74%	74%