Human development - Хүний сэтгэцийн хөгжил

Хүний хөгжил нь толгойноос хөл рүү чиглэлтэй, энгийнээс нарийн луу чиглэн явагддаг.  Хүн бүрийн сэтгэцийн хөгжлийн үйл явц харилцан адилгүй байдаг бөгөөд ирээдүйн сэтгэцийн хөгжлийн хувьд ямар түвшинд хүрэх нь өнгөрсөн амьдралд тохиолдсон зүйлстэй салшгүй холбоотой байдаг. Сигмунд Фрэйд эмч хөгжлийн сэтгэц судлалын загваруудыг гаргасан бөгөөд эдгээрээс өөрийн чадах чинээгээр цэгцтэйгээр оруулах гэж оролдоё.
А. Сэтгэц- бэлгийн хөгжлийн 5 үе шат
1. Аман шат \ төрөхөөс 18 сар хүртэлх үе\
Энэ үед хүүхэд түгшүүр, бухимдлаа хэл, амаа ашиглан ойлгуулах гэж оролддог.
2. Шулуун гэдэсний үе \ 18 сараас 3 нас хүртэлх үе\
Энэ үе шатанд хүүхэд булчингуудаа хянаж сурдаг. Ялангуяа бааж, шээхээ зохицуулж мэддэг болдог.
3. Бэлэг эрхтнээ таних үе \ 3- 6 нас\
Хүүхэд эрэгтэй, эмэгтэй хүмүүсийн хоорондын ялгааг таньж эхэлдэг. Бэлэг эрхтэнээ нууж сурдаг.
4. Далд үе \ 6-12 нас\
Энэ үе шатанд бэлгийн хөгжил, энерги харьцангуй зогсонги байдаг учраас хүүхэд тэр талыг сонирхож эхлээгүй, өөрөөр хэлбэл чимээгүй үе юм.
5. Бэлгийн үе шат \ 12 наснаас насанд хүрэх хүртэл\
Бэлгийн дур хүсэл, сонирхол төрнө. Эсрэг хүйстэнээ сонирхоно.
Дээрх 5 үе шатын аль нэгэнд шийдэгдээгүй асуудал бэрхшээл үүссэн бол тэр нь насан туршдаа тухайн хүний зан төрхийн нэг хэсэг болж явдгаараа аюултай юм.
Үргэлжлэл бий

Back pain - Нурууны өвдөлтөөс ангижрах нь №3

Нурууны архаг өвдөлтийн үеийн СЗЭ

Нурууны өвдөлт 6 сараас дээш хугацаагаар үргэлжилвэл архаг өвдөлт гэнэ. Статик болон кинетик шалтгаантай байж болно. Анагаахын хэллэгээр багана нурууны хотойсон хэсгийг лордоз, төвийсэн хэсгийг нь кифоз, нуруу муруйхыг  сколиоз гэдэг. Тэгвэл статик шалтгаантай нурууны өвдөлт гэдэг нь лордозтой холбоотой үүссэн өвдөлт юм. Эмчилгээ нь лордозыг засах зорилготой. Нурууны лордозыг засах өвөрмөц дасгал нь "аарцаг эргүүлэх" буюу "pelvic tilt" юм.  Энэ нь өвчтөн дээш харан өвдгөө нугалан улаар нь орон дээр тавьсан байрлалд хэвтэнэ. Эхлээд хэвлийн булчин, тэгээд өгзөгний булчинг чангалж, өгзгөө бага зэрэг орноос хөндийрүүлж, нуруугаа орлуу шахаж барина. Энэ байрлалд 10-15 сек бариад,  6 сек амраад 15- 20 удаа, өдөрт 3-аас доошгүй удаа хийнэ. \зураг нь дээр байгаа, pelvic tilt гээд\

Үүнээс гадна хүнд жинтэй хавтгай зүйл \ ном байж болно\ толгой дээрээ тавиад, түүнийг дээш өргөх дасгал хийхэд хүзүүний болоод нурууны лордоз багасдаг. Лордоз  их үед бөхийх хэлбэрийн, кифоз их үед тэнийлгэх хэлбэрийн дасгалыг голчлон хийж, хэвлийн болон нурууны тэнийлгэх булчинг хөгжүүлэх дасгал хийнэ.

Кинетик шалтгаант нурууны өвдөлт нь буруу хөдөлгөөнөөс улбаатай бөгөөд эмчилгээнд сунгалтын болоод хүчний дасгал, хөдөлгөөний зөв арга барилыг эзэмшүүлэх, сэтгэл санааны байдлыг тогтворжуулах зэрэг орно. Эмчилгээний дасгал нь цусан дахь эндорфины түвшинг ихэсгэж морфин төст үйлдэл үзүүлэх бөгөөд адренокортикойд гормон, кортизол, катехоламины хэмжээг ихэсгэдэг ач холбогдолтой. Ингээд та бүхэнд зайлшгүй хийж байх шаардлагатай хэдэн дасгалыг танилцуулая. \ зургыг нь дээр хавсаргасан болно\

1. Нурууны шулуун булчинг хөгжүүлэх дасгал -Quadruped arm\leg raise

Нурууны архаг өвдөлттэй хүмүүсийн нурууны шулуун булчингийн хүч сонгомлоор суларсан байдаг. Үүнийг засахын тулд энэ дасгалыг хийнэ. Өвчтөн 4 хөллөсөн байрлалаас баруун гар, зүүн хөлийг өргөж барина. 8 тоолоод амарна. Дараа нь зүүн гар, баруун хөлийг өргөж бариад 8 тоолоод амарна. Энэ дасгалыг нэг удаад 10 давтан, өдөрт 2 удаа хийнэ. 

2. Гэдэсний булчинг хөгжүүлэх дасгал - partial curl

Дээш харан өвдгөө нугалан улаар нь шалан дээр тавьсан байна. 2 гар чихний орчим байх бөгөөд толгой цээжийг 15-20 хэм орчим шалнаас хөндийрүүлж барина. Энэ үед нурууг шал руу шахсан байрлалтай байх бөгөөд эрүү цээж 2-ын хооронд зайтай байх ёстой. Энэ байрлалд 10-15 сек бариад 6 сек амрах байдалтай хийнэ. 

3. Өвдгийг нугалж цээж рүү татах 

Нэг хөлөө аажим цээжрүүгээ татах, дараа нь нөгөө хөлөө, дараа нь 2 хөлөө зэрэг аажим татаад гараар тойруулан барина. Энэ дасгалын дүнд нурууны булчин сунаж сулардаг. Дасгалыг маш аажим удаан 10 сек татаж бариад, 5 сек амарч хийнэ. Хөлөө цээж рүү татсан байрлалд урагш хойш бага зэрэг савлах хөдөлгөөн хийх нь тухайн гэмтсэн эдийн цусан хангамжыг сайжруулах, булчинг суллах сайн нөлөөтэй.

Deconditioning- Хэвтэрт удаан байхын хор хөнөөл!

1950-иад оноос өмнө аливаа өвчин эмгэгийн үед хэвтэрт байлгах аргыг өргөн хэрэглэдэг байжээ. Харин орчин үед хөдөлгөөн хязгаарласнаас болоод хүний биед гарч байгаа сөрөг муу өөрчлөлтүүдийг нийтэд нь " Үл ашиглах хам шинж" гэж томьёолон, үүний эсрэг идэвхитэйгээр тэмцэхийг уриалах болжээ. Энэ хам шинжийн үед илрэх шинжүүдийг эрхтэн систем тус бүрээр нь тайлбарлах гэж оролдоё. Уншигч авхай та бээр энэхүү бичлэгийг уншсанаар хэвтрийн өвчтний хоногийг уртасгах бус богиносгохын төлөө,  хөдөлгөөнд аль болох эрт оруулах бодолтой болж өөрчлөгдсөн бол чармайн бичигч, өчүүхэн миний зорилго биелэх нь тэр.

1. Араг яс- булчингийн систем

А. Булчин -  Булчин тоо болон хэмжээний хувьд багасах нь хөдөлгөөн хязгаарлагдсантай холбоотой хатингаршлийн үед илрэх гол шинж бөгөөд хөл, нуруу зэрэг дэлхийн татах хүчний эсрэг байрлалтай булчингуудад илүүтэй тохиолддог. Хүн огт босолгүй 10 хоног хэвтэхэд булчингийн жин 50% хүртлээ буурдаг байна. Үүнийг дагаад уургийн нийлэгжилт ч бас буурна. Коллаген ширхгийн нийлэгжилт мөн буурснаар булчингийн уян хатан, сунах чадвар алдагдаж, хөшингө үүснэ. Булчин богиноссон байдалд удаан хугацаагаар байхад бүтцийнхээ 40%-ийг алдсанаар хүч нь буурч, хөшингө болдог. Ийм учраас хэвтрийн өвчтний хөл, гар, биеийг аль болох тэнэгэр байлгаж, зөв хэвтүүлснээр булчингийн ширхгийн урт, тоо хэвийн байх нөхцлийг хангана. Мөн эсэргүүцэлтэй дасгал тогтмол хийснээр булчингийн жинг барих боломжтой.

Б. Холбогч эд, үе- Үе өөрөө мөгөөрс бөгөөд судасгүй эд, тэжээлээ үений хөдөлгөөний нөлөөгөөр үений шингэнээс шингээх байдлаар авдаг. Үе хөдлөхгүй бол мөгөөрс гэмтэнэ, остеофит буюу ясан ургацаг үүснэ. Удаан хугацаагаар үеийг хөдөлгөөнгүй байлгаж, өвчтнийг буруу хэвтүүлснээс болоод үений эргэн тойрон дахь булчин, холбогч эд, шөрмөсний сунах чадвар алдагдах, контрактур үүсэх аюултай. Нэгэнт контрактур үүссэн тохиолдолд хүний хөдөлгөөний үйл ажиллагааны чадвар, өдөр тутмын үндсэн үйл хөдлөл алдагдахаас гадна арьсыг арчлахад бэрхшээлтэй болж ирдэг. Тиймээс аль болох контрактур үүсэхээс урьдчилан сэргийлж, хэвтрийн өвчтний ор гудас тохирсон эсэхийг шалгаж, шаардлагатай бол ивээс, чиг хэрэглэн зөв хэвтүүлж, үений идэвхитэй болон идэвхигүй далайцын дасгалыг өдөрт 2-оос доошгүй удаа, бүх үенд хийнэ.

В. Яс - Эрүүл хүний яс нь түүн дээр үйлчилж буй дэлхийн татах хүч болон түүний эргэн тойрон дахь булчингийн агшилтын даралтын нөлөөгөөр хэвийн байдаг. Ясан дээрх эдгээр даралт байхгүй бол ясны жин буурч, сийрэгжинэ. Судалгаагаар булчингийн агшилтын хүч болон ясны нягт 2 шууд хамааралтайг баталсан. Эсэргүүцэлтэй дасгал хийлгэснээр хэвтэрт байгаа өвчтний яс сийрэгжихээс сэргийлнэ. Мөн зогсох, суух зэрэг энгийн үйлдлүүдийг хийлгээд байвал ясан дээр дэлхийн татах хүч үйлчилж, сийрэгжих нь бага байна. Хөдөлгөөн багатай болон хэвтрийн өвчтнүүд ясан дахь кальцийн хэмжээгээ маш амархан алддаг тул идэвхитэй хөдөлгөөн, дасгал хамгийн чухал эмчилгээ болдог.

2. Зүрх судасны систем

Удаан хугацаагаар хэвтэрт байхад тайван үеийн зүрхний цохилт 2 өдөр тутамд, минутанд 1-ээр нэмэгддэг. Босохгүйгээр 3 хоног хэвтэрт байхад багахан ачааллын үеийн зүрхний цохилт хэвийнхээс 32%-аар, 7 хоноход 62%-аар, 21 хоноход 89%-аар тус тус ихэсдэг байна. Мөн цусны нийт эзэлхүүн буурсантай холбоотойгоор зүрхний агшилтын эзэлхүүн буурна. 1950-иад оноос өмнө зүрхний шигдээстэй өвчтөнг 21 хоног хатуу хэвтрийн дэглэмтэй байлгадаг байсан бол өнөөдөр шигдээс болсноос хойш 2 дахь өдрөөс нь алхах дасгал хийлгэдэг болсон байна.

Эрүүл хүн 21 хоног хэвтрийн хатуу дэглэмд байхад босоо байрлалд дасан зохицох чадвараа бүрэн алддаг. Энэ нь цусны эргэлтийн тогтолцоо, цусны даралттай тогтвортой байлгаж чадахгүй болсонтой холбоотойгоор зогсох үед даралт буурч, чих шуугих, толгой эргэх, хөл халуу оргих, муужрах, зүрхний цохилт олшрох шинжүүд илэрдэг байна. Мөн гүний вений судсанд бүлэн үүсэх нөхцөл бүрдэнэ.

3. Амьсгалын систем

Удаан хугацаанд хэвтэрт байсны дараа уушгины амьдралын багтаамж 25%-иар, үйл ажиллагааны нөөц багтаамж 50%-иар тус тус буурдаг. Энэ нь гэдрэг харан хэвтэхэд өрцний хөдөлгөөн хязгаарлагдсанаар цээжний хөдөлгөөний далайц буурах, хавирга-нугалам болон хавирга-өвчүүний үений хөдөлгөөний далайц буурсанаар амьсгалын тоо олширч, өнгөц болдогтой холбоотой. Мөн уушгины хэсэг газрын агааржилт- нэвчих харьцаа өөрчлөгдсөнөөс болж хатгалгаа үүснэ. Үүнээс урьдчилан сэргийлэхийн тулд эрт хөдөлгөх, хэвтэх байрлалыг 2 цаг тутамд солих, шингэнг хангалттай хэмжээгээр нөхөх, амьсгалын болон ханиалгах дасгал хийлгэх, цээжинд доргиох иллэгийг цэр гадагшлуулах байрлал эмчилгээтэй хавсарч явуулна.

4. Шээс ялгаруулах систем

Хэвтрийн дэглэмийн эхэн үед шээсний гарц ихсэнэ, түүнд байх эрдэс бодисын хэмжээ ихэснэ. Яваандаа шээсний гарц багасна, хэвтээ байрлалд шээхэд, шээс бүрэн гарч чадахгүй, үлдэгдэл шээсний хэмжээ ихэснэ, шээс зогсонгишно. Ингэснээр бөөрний чулуу үүсэх, халдварт өртөмхий болох хандлагатай.

5. Дотоод шүүрлийн систем

Хэвтэрт 3 өдөр байхад биемахбодийн глюкоз-д тэсвэртэй байдал буурдаг. Ингэснээр инсулины хэрэглээ ихэснэ. Эсэргүүцэлтэй дасгал хийснээр энэ байдлыг сайжруулах боломжтой.

Хэвтрийн өвчтөн хүн үргэлж дээш харж гөлийж хэвтэх учиргүй ээ. Эргэн тойрноо харж, идэвхитэйгээр, чанартайгаар амьдралын шинэ шинэ өдрүүдийг угтах учиртай, тэгэх ч эрхтэй. Харин та туслах үүрэгтэй.

Death secret - Үхлийн нууц

Та үхлийн талаар хэр их боддог вэ? Та үхлээс айдаг уу? Хүн бүр үхлийн талаар боддог байх гэж таамаглаж байна. Мэдэхгүй байна гэдэг өөрөө асар их айдсыг дагуулж ирдэг. Айгаад байгаа зүйлтэйгээ нүүр тулаад уг үндсийг нь судлаад үзвэл айх ямар ч шаардлагагүй болно. Үхэл ч гэсэн айх зүйл биш, эсрэгээрээ шинэ амьдралтай нүүр тулах дахин төрөлт юм. Ингээд танд үхлийн нууцыг задлая.
Анх үхлийн талаар ноцтой бодож эхэлсэн үе маань ээжийг алдсан он жил байлаа. Хайртай хүн, дуртай ажлаасаа хагацсан хэн ч болов сэтгэл зүйн хувьд 5 үе шатыг дамждаг. Үгүйсгэх- Уурлах- Тохиролцох- Сэтгэлээр унах, гутрах- Хүлээн зөвшөөрөх. Эдгээрээс хамгийн ноцтой нь сэтгэл гутралын үе шат. Зарим хүмүүс энэ үетэй хэт удаан зууралдсанаас болоод өөрийн амьдралыг үгүйсгэж, өөрт дотно хүмүүстээ ч бэрхшээл учруулдаг. Би хувьдаа хүлээн зөвшөөрөх үедээ саяхнаас орсон. Байхгүй болсон зүйлийг хүлээн зөвшөөрч, эерэгээр идэвхитэйгээр амьдралд хандах, илүү бүтээлч сэтгэхүйтэй болдог нь давуу тал ч гэлээ үе үе зүрх базалсан хөндүүр тэмтрэгддэг нь гунигтай. Гэсэн ч үхтлээ амьдрах нь бидний үүрэг. Нэмээд аштайхан амьдарчихвал бүр зүгээр.
Амьд хүнийг бүрэлдүүлэгч 5 хэсэг бий. Физик бие буюу бидний биемахбодь, эфир бие- хийн бие ч гэж ярьдаг, аурагийн хүрээг орчин цагийн зургийн аппаратанд буулгаад авчихсан дүрс зөндөө байдаг. Үүн дээр нэмээд зан төлөв - энергийн урсгал, төрөхөөс үхэх хүртлээ орчноос олж авсан тухайн хувь хүнийг тодорхойлогч зан характер, зуршил юм. Мөн чанар- хүн чанар, нинжин сэтгэл, хүний дотоод оршихуй хавьцаа бууна. Эго- бидний доторх олон "би"-нүүд, бүгд муу. Түмэн мянган эгонуудаасаа болж бид зовж шаналдаг. Үхэх үед физик бие, амин биеүдийн холбоо мөнгөн утсыг үхлийн сахиусан тэнгэр ирж тасалдаг. Мөнгөн утас тасрах үед үхлийн туяа гэгч маш хүчтэй цахилгааны урсгал бий болох бөгөөд хүний махан бие үүнийг дааж гарч чаддаггүй.  Үхсэний дараа эргэн санах үйл явц 3 үе шатаар явагддаг байна. 1 үе шат буюу клиник үхэл, мэдээж бидний ертөнцөд явагдана, мөнгөн утас тасрахаас өмнөх хэдэн хормоор хэмжигдэнэ. Дараа нь мөн чанар, эго 2 физик биеэ орхин астрал ертөнцөд очиж, өнгөрсөн амьдралаараа дахин амьдарна. Бид бүгд нас барсан хүнийг шууд оршуулдаггүйг мэднэ. Дор хаяж гэрт нь 3 хонуулдаг. Энэ нь хүн үхэх үйл явц 3 хоног, зарим ном сурах бичигт бичсэнээр 3,5 хоног үргэлжилдэг. Энэ үед задлан шинжилгээ хийх ёсгүй. Би ч магадгүй юм гэж бодоод байгаа. Өнгөрөөд удаагүй байгаа цогцоснууд дээр орохоор амьд байгаа нь мэдрэгддэг. Тийм болоод ч тэр үү, бид задлан шинжилгээнд оролцох дургүй. 3-р үе шат учир шалтгааны ертөнцөд явагдана. Энд сүнс бүр үйлийн үрийн шүүлтэнд орно. Хүн байх хугацаандаа сайн, муугийн алинийг нь их хийснээс шалтгаалж, 3 дүнгийн нэгийг авна. Онцсайн байсан сүнснүүд дээд ертөнцөд амрах эрхээр шагнагдана. Сайн, муу нь тэнцсэн сүнс эргэн хүн болж төрнө. Муу нь сайнаасаа давсан тохиолдолд төрөл доройтож, там руу уруудах эсвэл бусад доод төрлийг авдаг байна. Ийнхүү бидний амьдрал үргэлжилдэг. Үүнд би хувьдаа итгэдэг.
" Би эрсдийн ёсоор үхэж ургамал болсон
Би ургамлын ёсоор үхэж амьтан болсон
Би амьтны ёсоор үхэж хүн болсон
Одоо би юунаас айх ёстой гэж"
Ийм учраас амьтай бүхнийг хайрлаж явбал сайнсан.

Thought - Бодол - Хүн машин

"Thought" written by BTL \ pagvan.blogspot.com\

Бодол хаанаас ирдэг вэ? Ингэж асуух нь зарим хүмүүсийн эгдүүг нь хүргэж ч болох юм. Гэсэн хэдий ч бодол бол бидний амьд байгаагийн нэгэн төрлийн баталгаа нь болж байдаг билээ. Хүн өдөр тутам гадаад ертөнцөөс өөрсдийн таван мэдэрхүйн тусламжтайгаар агшин хором бүрт сэтгэгдлүүдийг хүлээн авж байдаг. Хэрэв нэг л хором гаднаас сэтгэгдлийг хүлээн авахаа болих аваас өөрсдийгөө үхсэнд тооцож болох юм. Энэхүү гадаад орчноос ирж буй сэтгэгдлүүд нь өнөөгийн бидний тахин шүтэх болсон БОДОЛ, ОЮУН САНАА хэмээх эцэс төгсгөлгүй гинжин холбоосийг бий болгодог аж. Тэгвэл одоо Бодол, Оюун санааг дүгнэн жаахан эргэцүүлэл хийцгээе!

Бодол, Оюун санаа нь үнэндээ тун хэрэгтэй зүйл боловч түүнийг тахин шүтэх нь зохисгүй. Хүн Бодол, Оюун санаанд үйлчлэх бус Бодол, Оюун санаа хүнд үйлчлэх хэрэгтэй.

Хүмүүс "би бодож байна..." гэж хэлэх дуртай. Гэвч тухайн мөчид хүмүүс үнэн хэрэгтээ бодож байдаг болов уу? Ой санамж бол бодол биш юм. Хүмүүс бид аливаа зүйлд шийдвэр гаргахдаа цаг үргэлж өнгөрсний талаарх дурсамжууд хийгээд ирээдүйн төсөөллөөсөө үүдэн шийдэцгээж байдаг. Хүн хэзээ ч Одоо цаг дээр оршин байдаггүй агаад өөрийн өнгөрсний дурсамж, ирээдүйн мөрөөдлийн талаар бодоцгоон өөд, уруу хийгээд өргөн, нарийн гудамжаар алхацгаан аж төрөх ажээ. Харамсалтай нь хүмүүн бид тэрхүү өнгөрсний дурсамжууд гэдэг аль хэдийнээ авслагдаж газар доор орсон шарилтай адил гэдгийг хэн нь ч үл ухаарах аж.

Бид хичнээн их хичээвч өнгөрснийг өөрчилж чадахгүй, хичнээн их санаа зовлоо ч ирээдүйг өөрчилж чадахгүй. Санаа зовсноороо бид амьдралаа нэг хором ч уртасгаж хүчрэхгүй. Бид тэгвэл юг өөрчилж чадах вэ? Бид зөвхөн одоог л өөрчилж чадна. Бид өнгөрсөндөө харамсаж суухгүйн тулд одоо хийж байгаа зүйлсээ зөв хийх шударга хийх хэрэгтэй. Бид ирээдүйгээсээ айхгүйн тулд одоо байгаа зүйлсээ үнэлж сурах хэрэгтэй. Айдас гэдэг аль ч тохиолдолд өөрөөсөө хар бараан мөрийг дагуулдаг аж. Хэрэв гудамжинд гутал тослож байгаа хүү ирээдүйгээсээ айх бол тэрээр хулгайч болно. Мөн албан байгууллагад ажиллаж байгаа хүн ирээдүйгээсээ айх бол тэрээр хууран мэхлэгч болно.

Өнгөрснийг дурсана гэдэг нэг зүйл, өнгөрснөөрөө амьдарна гэдэг нь үүнээс тэс өөр зүйл. Бид одоо цаг дээр амьдарснаар өөрөөсөө жинхэнэ бүтээлч, шинэлэг хүчийг гаргах боломжтой. Энэ бол агшин хормоор амьдрах арга ухаан билээ. Хэрэв хэн нэгэн жинхэнэ бүтээлч хүчийг өөрсдийнхөө дотроо мэдэрч түүнийг өөрөөсөө нээн илрүүлэхийг хүсэх аваас хэзээ ч өнгөрсний дурсамж, ой санамжиндаа найдах хэрэггүй. Учир нь ой санамж бол бидний нүдийг харалган болгож, бүтээлч хүчийг үгүй хийдэг итгэлгүй урвагч нэгэнтэй адил юм.

Бид хичнээн ихийг сурч, цээжлэж, тогтоосон ч цаг хугацааны явцад мартагддаг. Бид дахиад л сэргээн харах хэрэгтэй болдог. Мөн цээжилсэн зүйлс нь бидний дотоодыг айдас, үл мэдэх байдлаар улам бүр хүлсээр байдаг. Энэ бүх цээжлэж тогтоосон хэрэгтэй, хэрэггүй олон зүйлс нь Хүнийг Хүн бус Хүн Машин болгодог аж. Өнөөгийн сургалтын систем нь энэхүү хөөрхийлөлтөй байдлыг нээн илрүүлж засан сэлбэхийн оронд харин ч үүнийг улам бүр тэжээн тэтгэсээр байна. Дэлхий даяар ясли, цэцэрлэгээс аваад олон мянган оюутан сурагч ямар ч зорилго, ямар ч мэдрэмжгүйгээр их дээд сургууль, коллеж, бага, дунд сургуулиудад явах аж. Тэд цөм цээжлэж түүнийгээ эргүүлэн ярьдаг. Гэвч үүнийг тоть ч хийж дөнгөнө.

Бид бүхэн хүн гэдгээ мартах учиргүй. Энэхүү хэт механикжсан хүн машинууд хайрлахын оронд үзэн ядаж, амьдрахын оронд унтацгааж байна. Бид өөрсдийгөө завтай, чөлөөтөй болгохын тулд машин, зурагт, радио гэх мэт зүйлсийг бүтээн бий болгосон. Энэ бүх бүтээн бий болгосон зүйлс бидний төлөө, хүний ухамсрын төлөө оршин байх байтал харин ч эсрэгээрээ бид улам завгүй болцгоож, машин хүний төлөө бус хүн машиний төлөө амьдардаг харгис хэрцгий нийгмийг бид бүтээжээ. Энэ бол хөгжил дэвшил бус сүйрэл мөхөл юм. Хэрэв бид бодлын боол байхаас татгалзаж өөрсдийн дотооддоо жинхэнэ ухамсрын хувьсгалыг хийхийг чин сэтгэлээсээ хүсэх аваас өнгөрснөөс бус, ирээдүйгээс бус, нэг секундын өмнө ч бус нэг секундын хойно ч бус яг одооноос эхлэх хэрэгтэй. Энэ бол бид бүхнийг Унтаа Хүнээс Ухамсарт Хүнрүү хөтлөдөг ариун хийгээд нууцлаг цэг болно.

Stroke- Тархины цус харвалт

ЭМЯ дээр 2 өдрийн турш Сэргээн Засалч эмч нарын чуулга уулзалт амжилттай явагдаж өндөрлөлөө. Японы Гунма Их Сургуулийн багш, профессорууд урилгаар оролцож, тархины цус харвалтын талаар тун сонирхолтой цуврал лекцүүдийг уншлаа. Мартахаасаа өмнө гээд Их Наран улсаас сайхан сэтгэл өвөрлөн ирсэн эмч нарын лекцээс өөрийн ойлгосноор чадан ядан эвлүүлэн, энэ бичлэгийг үйлдмой.

Тархины цус харвалтын үндсэн 2 хэлбэр байдаг. Нэг нь ишемийн буюу бүлэн, эмболи-оор судас бөглөрөх, нөгөөх нь геморрагический буюу судас хагарч, тархины хэсэг эд эс эргэшгүйгээр үхэлд өртдөг. Монголд харвалт өгчихлөө, битгий хөдөлгө,  хэвтэрт байлга, хөдөлгөх л юм бол дахиад харвачихна гэсэн ойлголт аль дивангарын үеэс одоог хүртэл үргэлжилсээр байгааг халах цаг хэдийн болсон санагдана.
Ерөнхийдөө цус харвалтын дараах сэргээн засах эмчилгээг дотор нь 3 ангилж үздэг.
1. Эрт үеийн сэргээн засах эмчилгээ \ цус харваснаас хойш эхний 14 хоног\
2. Тогтворжих үеийн СЗЭ \энэ нь 14 хоногоос 6 сар хүртэл үргэлжилнэ\
3. Архаг үеийн СЗЭ  \ 6 сараас хойших үе\
Японд 1, 2-р үеийн эмчилгээний зардлыг эрүүл мэндийн даатгалаас төлдөг бол 3-р үеийн эмчилгээ халамжын даатгалаар зохицуулагддаг байна. Халамжын сувиллын даатгалыг 2004 оноос Японд насжилт их байгаатай холбогдуулан, настны бие даан амьдрах чадварыг нэмэгдүүлэх, дэмжих зорилгоор 40-65 насанд тархинд цус харвалт өгсөн хүмүүсийн архаг үеийн СЗЭ-ний үр дүнг сайжруулах бодлогоор хэрэгжүүлж эхэлжээ.

Тархинд цус харвасан эхний 24 цагт компьютор томограф, MRI, 3 хэмжээст ангиографийн шинжилгээ хийн оношлох бөгөөд ишемийн харвалт өгснөөс хойших эхний 3 цагт амжиж эдийн плазминоген идэвхижүүлэгчийг тарьж, цусны урсгалыг сайжруулснаар тархины үхжил цааш тэлж томрохоос сэргийлдэг байна. Мөн эхний 6 цагт амжиж, гүрээний артерид стент тавих, мэс заслаар бүлэнг зайлуулах эмчилгээг хийвэл үр дүнтэй. Эндээс хэрвээ харвалт өгсөн эхний шинж мэдэгдэх л юм бол \ хэл яриа ээдрэх, дультраатах, хөл гар сулрах г.м\ маш яаралтай нэгдсэн эмнэлэг лүү тээвэрлэх нь чухал гэсэн санаа цухалзаж байна. Эмнэлэгт ирсэн эхний өдрүүдэд амин чухал эрхтний үйл ажиллагаа төдийлөн тогтворжиж амжаагүй байдаг ч үений далайцын дасгал хийх, залгилтыг үнэлэх, аль болох эрт орноос босгох эмчилгээг эхлүүлнэ. Харин тогтворжих үед нь өдөр тутмын идэвхитэй үйл ажиллагаанд бусдаас хараат бусаар оролцох чадварыг сайжруулах тал дээр голчлон анхаарч ажиллана. \ усанд орох, хоол идэх, хийх, явах гм өөрөө өөртөө үйлчлэх чадварыг нэмэгдүүлнэ.\  Ерөнхийдөө харвалтаас хойших 3 сард тасралтгүйгээр эрчимтэйгээр сэргээн засах эмчилгээг хийвэл үр дүн сайн. Цаг алдах тусам тархины үйл ажиллагаа эрчимтэй муудаж, дараа нь хичнээн хөл гарыг нь хөдөлгөлөө ч нэгэнт тархины тодорхой хэсэг хариу урвал үзүүлэхгүй бол дэмий цагийн гарз болох аюул бий.
Төгсгөлд нь нэг бяцхаан зөвөлгөө өгөхөд хоол ундны зүйлсдээ анхаарал хандуулж байгаарай. Чипс, шарсан хуурсан бүтээгдэхүүн, улаан өнгөтэй мах, хиам, лаазалсан хүнс, diet soda зэрэг нь зүрх, тархины шигдээс, цус харвалт, судасны эмгэгт өртөх эрсдлийг нэмэгдүүлж байдаг.


Анхаарал хандуулсанд гялайлаа.

Rehabilitation Joint Congress in Mongolia

Жил бүрийн 4 сард Монголын Бие Бялдар Сэргээн Засах Нийгэмлэгийн уулзалт болдог. Манай нийгэмлэгийн хүрээ жилээс жилд өргөжин тэлж байгаад баяртай байна. Энэ жил 12 сард зохиогдохоор болжээ. Хэрвээ таны ажил энэ салбартай тодорхой хэмжээгээр холбоотой байдаг бол хүрэлцэн ирээрэй. Оюуны томоохон хөрөнгө оруулалт болсон сайхан уулзалт болно гэдэгт итгэлтэй байна. Миний бие " Өвдөлтийн эмчилгээний өвөрмөц бус үр нөлөө" сэдвээр лекц уншиж, зохицуулагчаар ажиллахаар болсон байна. Хөтөлбөрийг нь танилцуулая.

The National Joint Congress of Mongolian Society of Physical                                                                                                           and                                                                                                                                                           Rehabilition Medicine and Mongolian Physical Therapy Association
Main Theme: “Rehabilitation for Cerebrovascular Disease”
Data:   Saturday, 03 December ～ Sunday, 04 December, 2011
Place:  The Ministry's Conference Halls
Olympic Street 2, Coverment Building # 8,
Education and Training Center, the 1st floor of the
Ministry of Health, Ulaanbaatar, Mongolia
Phone: 976-51-261556; 976-99113700
2011.12.03 Saturday				2011.12.04 Sunday
08:30～	Registration			08:30～	Registration
Part I	Moderator B.Zolzaya			Part I	Moderator S.Delgermaa
09:00～09:30	1. Educational lecture:                                                Theme: Pulmonary rehabilitation for patient with neuromuscular disease;      S.Delgermaa; Shastin Central Hospital			09:00～09:30	1. Educational lecture:                                              Theme: Non-Specific Effects of Treatment in Pain Medicine B.Zolzaya; SOS Medica Mongolia Hospital
09:30～09:45	2. Oral presentation:                                          Theme: Relationship Between Hip Muscle Strength and Knee Kinematics; B.Munkh-Erdene, et.School of Health Technology, HSUM			09:30～09:45	2. Oral presentation:                                             Theme: Study of the Physical Fitness for Employees of the State Clinical Central Hospital; D.Buyandelger, et.; State Clinical Central Hospital
09:45～10:00	3. Oral presentation:                                            Theme:Assessment of trunk muscle activity and center of pressure during sighting for rifle shooting; Kh.Ariunaa, et.School of Health Technology, HSUM			09:45～10:00	3. Oral presentation:                                              Theme: Effect and Suitable Age of the Physical Therapy for Congenital Muscular Torticollis; P.Otgongerel et.
10:00～10:15	Discussion: S.Delgermaa, B.Munkh-Erdene,  Kh.Ariunaa
10:20～10:30	Introduction to Pharmacy in the Rehabilitation practice:                                  Theme:Treatment of Khondroxid 5% Ointment Against                                       Osteoarthrosis                                            J. Saikhantuya, Stada-NIJPharma			10:00～10:15	Discussion: B.Zolzaya, D.Buyandelger,  P.Otgongerel
				10:20～10:30	Introduction to Pharmacy in the Rehabilitation practice:                                        Theme: New registered medicine in the Rehabilitation practice of Mongolia;  D.Tsendeekhuu “Мonfa” trade
10:30～11:00	Coffee break
II Part	Moderator O.Batgerel PhD			II Part	Moderator P. Otgongerel
11:00～11:40	1. Keytone lecture: Theme: Quality of Life for Each Person; R.Oyunkhand; Gerentology Center			11.00～11.45	1. Invited lecture: Theme: Recent Advance in Diagnosis and Treatment of Stroke in Japan N.Wada; Department of Rehabilitation, Gunma University
11:40～12:20	2.Special lecture: Theme: Rehabilitation for after stoke in Early stage;      A.Baljinnyam,HSUM			11.45～12.30	2. Invited lecture: Theme: Convalescence Rehabilitation for Stroke Patients in Japan. M.Tazawa; Department of Rehabilitation, Gunma University
12:20～12:30	Discussion: R. Oyunkhand, A.Baljinnyam
12:30～13:30	Lunch time
Part  III	Moderator A.Baljinnyam, PhD			Part III	Moderator R. Oyunkhand, PhD
13:30～14:15	1.Invited lecture: Theme: The Latest Devices for Rehabilitation;     Т.Kashiwagi, Inter-Reha Co Ltd.			13:30～14:15	1.Invited lecture: Theme:Physical Therapy Associated with Cerebrovascular Accident;       M.Sakamoto, Gunma University
14:15～14:30	2. Oral presentation:                                            Theme: Result of the Electrosonographic Treatment Which is Used to Treat Patients Who Suffur from Mongolia; B.Sainzaya, et; National Center for Mental Health of Mongolia
				14:15～15:00	2. Invited lecture: Theme:Evaluation of Physical Therapy Associated with Cerebrovascular Accident       R.Nakazawa, Gunma University
14:35～14:50	Discussion: T.Kashiwagi, B.Sainzaya;
14:50～15:00	Introduction to Pharmacy in the Rehabilitation practice:                                       products of UNICITY; J.Alimaa
15:00～15:30	coffee break
Part IV	Moderator B.Munkh-Erdene			Part IV	Moderator O.Batgerel, PhD
15:30～15:45	1. Oral presentation:                                               Theme: Result of Phonoforesis Treatment of Khondroxid 5% Ointment Against                                       Osteoarthrosis of Knee Joint R.Enkhtsetseg; Spa Resort State –Owned Stock Company			15:30～16:15	1. Special programm: Theme: Sling Exercise Training,  Clinical application of REDCORD in the cerebrovascular disorder patient       Т.Kashiwagi       Inter-Reha Co Ltd;
15:45～16:00	2. Oral presentation:                                               Theme: Result of Physical Movement and Massage to Rehabilitate Thoracic Limb and Pelvis Limb After Complication of Insult Kh. Ariuna; Rehabilitation clinic center
16:00～16:15	3. Oral presentation:                                                   Theme: Rehabilitation after stroke; O.Zolzaya; 2nd Clinical Hospital
16:15～16:30	Discussion:                                                            R.Enkhtsetseg, Kh. Ariuna, O.Zolzaya;			16:15～17:00	2. Special practice: Theme: Special practice of physical therapy for cerebrovascular disorder М.Sakamoto, R.Nakazawa       Gunma University
16:30～16:40	4. Oral presentatio:                                                  Theme: Physical therapy for children with cerebral palsy D.Unurtsetseg, et.Children with Cerebral Palsy
16:40～16:50	5. Oral presentation:                                                   Theme:Physical Therapy for After Stroke;                                    G.Gantsetseg, H.Enkhdemberel; 1State Clinical Central Hospital, 2Mongolian National Rehabilitation Center
16:50～17:00	Discussion:                             D.Unurtsetseg, G.Gantsetseg;
18:00～	Opening ceremony and Reception			18:00～	Closing